أشق هدومي؟

ليش الاستعباط؟ ليش اللف و الدوران؟ ليش الاستهبال؟ ضروري رفع الضغط يعني؟

عندما تكون في أوج مشكلة، موقف، أو حتى تفكير... يأتيك سؤال أو تصرف فضائي من كوكب الغباوة يطرح بك على أرض المزبلة التخلفية.. ليش هالسقالة؟ قممممة السفاهة و التفاهة و الكعبلة

قاعد مع صاحبك بمطعم، تشوفه يذوق شغله... تلوع جبده و يعفس وجهه و يتفل اللقمة و بعدين يقولك وييييع ذوق إللللا تذوق.. هذا أكل بالله؟

ماشالله عليك.... حبيبي... لو تعطيني قفشة عسل من عقبك ماني ماكلها تبيني أذوق شي ما ينوكل ليييييش؟ كفاية مجابل خلقتك عالأكل

لمن تقول حق واحد من جماعة الربع انه فلان توفى ولا أخوه سوى حادث.... يرد عليك صج والله؟

هاهااااي... لا... عليك واحد!!! الحمد لله و الشكر... يا ثور.. يا تلح.. يا أغبى ما خلق ربي.. هذي سوالف أحد يتغشمر فيها؟ شنو ينرفزني هالرد

لمن يدق عليك واحد من صباح الله خير يقعدك من عز النوم..... يقولك حبيت أسأل و أشوف شخبارك.. هاها تصدق عاد توقعتك نايم بس هم مادري ليش دقيت

حياتي.. انا أقولك ليش انت داق.... لانك قليل ذوق.... و ثقيل طينة.... و لو جدامي جان أوريك شلون تسأل عنك العافية... أخليها تسأل عنك و تدورك و ما تلقاك.... يااااااا ثور .... ياااااا غبي..... ان ما دقيت عليك الفير و شبكتك مع الساعة (عند الإشارة تكون الساعة.... الخ) ما أكون حسوون... عشان يصير عندك حس بالوقت يا سفيه

لمن تطيح مريض انفلونزا و يجيك واحد من جماعة الربع يسأل... سلاماااااات حسوون.. شمنه انفلونزا؟؟

الله يسلمك قاعد أركض مفصخ بالمطر..... إنت شكووووووو ؟؟؟؟؟؟؟؟؟؟؟ شدراانيييي؟؟؟؟؟؟؟؟؟ روح سو شوربة أو ييب لي ماي... خل يصير وجودك له معنى

سرحان.. قاعد تفكر.. و يصرخ عليك واحد ... هااااا واخد عألوه يتهنابوه... شسرحان فيه؟

كنت سرحان في ورود و فراشات و نهر... و فجأة شفتك جدامي مربوط على سكة حديد و قطار ياي .. ونت تصرخ تترجاني أفل الحبل و أنقذك... بس انا أكمل دربي و ارقص فرحاً مع الفراشات و الورود........ يااااااا بهلول....... يااااااا كلب العرب...... ياااااا مخلفة من مخلفات العصر الاستهبالي.... انا سرحان... تكفه انت شكو فيني؟؟

يتصل فيك عالبيت... و يسألك.. ها انت وين؟

لا تعليق

آسف عالطوالة يا جماعة الربع :)