تحط نفسك بمواقف بايخه
البني آدم يسعى للكمال.. لكن شنو الكمال؟ انك تكون متأهب و مستعد و جاهز (ثلاث كلمات نفس المعنى... أبي أغبى من جذي بعد) لجميع أنواع المواقف سواء كانت طريفة، حزينة، أو محرجة
كل واحد فينا انحط في موقف.. اممم خلونا نقول بايخ.. شي طبيعي.. لكن ردة الفعل اهي الي تحدد... اذا هالإنسان ذكي، غبي، ساذج،
عنصري، أو حتى كلب ابن كلب... اي نعم
دشيت محطة بنزين، بعد ما ترست السيارة اتضح لك انه البوك مو موجود
غباء: انك تنحاش
ذكاء: تدق على أحد اييب لك البوك أو تتفاهم مع الكاشير الكويتي على حل
طرافة: تقول حق الكاشير انك مو تارس بنزين بس دشيت بالغلط و يعطيك العافية و تمشي
مسوي عزيمة و يااك واحد مليق (انت مو عازمه) يقولك ليش ما عزمتني
غباء: تقوله انه ثقيل و ماتبيه بالعزيمة
ذكاء: تقوله انك قلت الحاضر يبلغ الغايب و انه وايد ناس يايين العزيمة ونت وم قايل لهم
طرافة: تترس حلجك أكل و تكلمه (خل يحوشه شوي طشار) لين يتحسف و يمشي
دكتور يطيح عليك انك نايم بالمحاضرة
غباء: تكمل نومتك
ذكاء: تتأسف و تقوله انك سهران قاعد تدرس
طرافة: تقوله انه فيك فقر دم و انه الدوخان شي طبيعي
صاحبتك.. أو زوجتك المتينة تقولك حياتي شرايك فيني؟
غباء: تطلع صوت بقرة (موووو) اهيهي
ذكاء: تقول ماخذة عقلي والله (أكيد لانه مو شايف بنت هالمتن من قبل) يااي
طرافة: تقول لها آخر مرة قلت لج شرايي فيج حاشني صداع مو طبيعي... شحاطة بالجنطة؟
قاعد بمطعم.. تشوف وحدة حلوة وودك تكلمها
غباء: تقوم و تقعد يمها على طول.... اييك خطيبها و أخلي الباجي حق مخيلتكم
ذكاء: تدز لها شي.. عصير بطيخ وسكي فودكا سينالكو... الي اهو... بس تشوف ردة فعلها
طرافة: تشغل البلوتوث و تحاول تصيدها.. بعد ما تصيدها عالبلوتوث .. تدز لك فلم خلاعي
الوالد يطيح عليك تدخن
غباء: تكمل تدخين و تقوله مالك شغل فيني
ذكاء: تطفي السيجارة و تقوله آسف و تتفاهمون.. بحيث تدخن يوم و ترك عادي
طرافة: تكون طايح على أبوك مع وحدة قبل جم يوم... تلقاه يمر يمك ونت تدخن و يبتسم بعد
خلصت شَوَر و ماكو فوطة بالحمام.. الخطة انك تطلع مفصخ بسررررعة على اساس انه غرفتك قريبة من الحمام... ونت طالع ولا الوالد بويهك
غباء: من النرفزة تشيل ايدك من المكان الي كنت مغطيه.. و تفضح عمرك
ذكاء: تسوي نفسك ماتدري... تسلم عالوالد و تدش غرفتك و انت كووووول ولا جنه شي صاير
طرافة: تقول هلااااااا بالوالد شخبارك شمسوي... و تقرب منه و تحضنه
أدري ثقلتها هالمرة :P
سلام يا جماعة الربع
posted by 7asoon @ 2:24 PM
16 comments
16 Comments:
الله يخس ابليسك موتني ظحك هههههههههههههههههههه
من زمان ما خذيت لفه عندك ههههه
بس سالفة الوالد خطيرة هههههههههههه
لووووول .. وزيد عليهم بعد هالموقف
كنت تتمشى مع رفيجتك بالمول وكان يوم "الفالانتاين" وشافت طقم ذهب أبيض غالي ويقص الظهر قص (طبعا معروف إن الرياييل أهم الي يشترون هدايا حق رفيجاتهم) المهم
غباء: تتسلف وتشتريلها الطقم بس عشان ما تزعل .. طقق
طرافه: تشتريلها إياه وتقوللها آمري بعد حبيبتي تدللي شنو تبين فوق هالهديه البسييييييطه .. جيب بوووورش مثلا؟!!
ذكاء: تنزرها ذيك النزره الي بعد ما تطلب منك هديه مره ثانيه وتكتفي بورده ..أحسن إنت الربحان حطيت فلوسك بجيبك وإذا يت على الورده الله يدوم الرخص مكودين بكل مكان .. عطها كودة ورد وسد حلجها ^_^
FUNNY POST .. KEEP THE GOOD WORK
hahah
laywagif
loooooooool
kel 3ada love it :D
هههههههههه مو قلت ماشاالله مدونتك طاردة للهم و الغم و توسع الصدر :) دكتور يطيح عليك انك نايم بالمحاضرة
غباء: تكمل نومتك
ذكاء: تتأسف و تقوله انك سهران قاعد تدرس
طرافة: تقوله انه فيك فقر دم و انه الدوخان شي طبيعي
صارت فيني جم مرة و العذر كان ان المسافة الطويلة بين الكلية و الشقة هي اللي رقدتني و المدرس يخزني بذيج الخزة اللي تطير النزم من عيني :)
a7la shy
ذكاء: تدز لها شي.. عصير بطيخ وسكي فودكا سينالكو... الي اهو... بس تشوف ردة فعلها
ABYY!!! lesh mako nass esawon chethy bilQ8?!?! unless i was too ugly for them to cinsider buyin me a drink ;p
*q8ya*
حيالله كويتية يا هلا.. سالفة الوالد الله يسلمج يبيلها قلب شجاع و مؤمن بخفة الدم :P
*solo*
لوول.. انا لو منه أوديها سوق الكويت .. آخذ لها جنصة كالفين كلاين تقليد و اهي تضحك بعد :P
*temetwir*
يالله حيه.. هلا بالغالي :)
*faith*
kal 3ada it loves you back ;P
*scarlo*
heeeeey... :P comment lo sema7tay.. since when u became the supporter for the Idiot Community? :D
*متفرغ*
عسى دوم بعيد عنك الهم يبه :) .. و مرة ثانية استخدم العذر مال فقر الدم أو قول حق الدكتور انه قعدك من النوم ونت تحاول تحل مشكلة جذرية
*jiji* ya *jiji*
lol... enshalla etha 9adaftich eb ma63am ra7 adez lich namlait ba3ad mo seenalko :P
السلام عليكم ...
هاهاهاهاهاهاهاهاههه احلى شي مالت البلوتوث والشور ......
يبيله بعد موقف عن الشرطة اذا صادوك مسرع ويمك الصاحبة ....عطنا التحليل لو سمحت :)
Bo_sale7
اذا صادوك الشرطة و يمك الصاحبة.. لوول
غباء: تقول لهم متزوجين
ذكاء: تقول لهم هذي زميلة عمل سيارتها متعطلة و رايحين الدوام الحين
طرافة: تقول للشرطي انها ركبت معاك بتهديد السلاح و بتوديك البر تصيد معاك شراييص
el7lwa
هذا انجاز بالنسبة لي.. اني أرد عالتعليقات أول ما أقعد من النوم و أطلع ببدلية وحدة :P
و فعلاً حرف الصاد واااااايد بعيد عن الطاء أدري... :P
حياج الله في البلوق أختي
LooooooooooooooL
7adha e3jebatny elfekra
7deek kh6eer man o ekhasy el mzaj
all the best :)
zizotime
7ayaak bil blog 7aji :D i'm glad you liked il fekra
namleeT!! sheno?!? chena 7alaw imlabbas ib ne3na3?? hmm... maaaabyyyyy aaaaaabyyy shay kashkha ;p
al7lwa
عادي البدليات معروفه عندنا لوووول
Wonderful and informative web site.I used information from that site its great.
» »
Very nice site! chevrolet colorado gmc canyon assesories should i do lasik better sex download Mobile alert 49-763 car alarm Lifetime mail slots Free gay jackoff porn link websites
Post a Comment
<< Home