كل عام و أنا بخير
سنة جديدة دخلت علينا.. أو احنا دخلنا عليها... الي أعرفه انه مرت سنة من أحداث حلوة و أليمة... سعيدة و حزينة... لكن السؤال اهو شنو الي تحمله السنة الجديدة في طياتها؟ أو بالأحرى شنو احنا نحمل حق السنة الجديدة في جعبتنا؟
أناعن نفسي أحب أحط لسته بالأشياء الي ودي اسويها حق السنة اليديدة و بنفس الوقت بالأشياء الي أبي أخليها تنطوي مع صفحات السنة الي بتروح... هذا مثل مايسمونه الربع الأمريكان "نيو يير ريسولوشن" و هاكم اللسته مالتي
- بقطع عادة التأجيل وبصيرانسان أول بأول (ماتدرون شكثر ضار ناس معاي بسبة هالتأجيل) هاهاها
- بركز على أكلي و ماني صاير مشفوح مثل السنة الي طافت (انا مو متين يا جماعة) وبضبط حق نفسي نظام غذائي صحي متكامل
- بخصص يوم واحد في الشهر حق المساج... (لاحظوا شكثربحترم جسمي) و الاسترخاء التاااااام.... يعني عادي هاليوم كله نايم :P
- ماني متزوج
- بحسن علاقتي مع ناس كنت هاملهم لفترة طويلة
- بقطع علاقتي مع البطاط المقلي :`(
- بطور هواية التصوير و العزف عالجيتار (مو قاعد اتفلسف صج انا اعزف و اصور) ادعولي
- يقولون اني وايد اعلج (عادة قد لاتكون سيئة بس مو حلوة عالريال) لازم القا لي بديل... زجاير يمكن
-حياوي ...ودي أشتغل على علاقاتي الاجتماعية ( هالبند غيرعن بند تحسين العلاقات مع الي أصلاً أعرفهم) ادعولي
- أكمل كتابتي بهالبلوق من غير ما أملق على أحد أو اجرح أحد و ودي ودي ودي انه امتعكم بمواضيعي
يا جماعة قبل لا أكتب البوست قلت بحط ثلاث أربع أشياء.... اشوف قمت أنطلق... خل أوقف قبل لا أدش بسوالف مالها داعي اهيهيهيهي
كل عام و أنتو بخير و أتمنى لكم سنة يديدة ملؤها العطر و الحب و المودة بينكم يا جماعة الربع... سلاااااام
posted by 7asoon @ 10:11 AM
9 comments
9 Comments:
كل عام وانت بالف الف خييير
وانشالله تكون سنه سعيده وتحقق فيها كل طموحاتك :)
Ps. عجبتني سالفة اليوم المخصص حق الاسترخاء التام & المساج
شكلي ببوق فكرتك :P
allah ywafgaq:O
ان شاءالله تكون سنة خير وسعادة على الجميع :)
الله يسلمكم و كل عام و انتو بألف خير يا جماعة الربع
كل عام وانت بالف خير...:)
احلى شيء التخطيط..:)
موفق...:)
ماعرف أحد اختي لاني بديت بروحي :) بس انصحج تاخذين دروس يسهل عليج الشغل وااااايد
This is very interesting site... » »
What a great site Play free game memory and scrabble http://www.erotic-story-0.info/Jenna-jameson-full-movie.html cat contact lens case 638 contact lens.html http://www.diet-pills-4.info/prescription_diet_pills_cod.html How to buy provigil in the uk pay per click optimise Fernanda eyewear interconnected wireless fire alarm Afipez meridia onlonw phebtermine peedvropriin ciagra h5n1 tamiflu avian vietnam Taser x26 cartridge problems
Wonderful and informative web site. I used information from that site its great. » » »
Post a Comment
<< Home