رمضانيات

...لا يخفى على أي بني آدم مسلم عظمة الشهر الفضيل الي دش علينا.. و ما يحمله من ليالي شريفة تفتح أبواب السماء للدعاء فيها
كل واحد فينا يحمل ذكريات حلوة و ظريفة من شهر رمضان إلى آخر على مر السنون.. و لاااااازم كل بني آدم يربط هذا الشهر الفضيل بعدة
أشياء... منها
العبادة
نعم؟ وينك كل هالأشهر ياي الحين تصلي و تصوم و تقرا قرآن؟
المسلسلات
يرحم أمكم لا تخلوني أتكلم عن المصخرة الي قاعدة تصير... باختصار
مسلسل اجتماعي درامي
يعرض حالة المجتمع الكويتي و المشاكل الأسرية التي تتخلل معظم البيوت.... أم و أب و ولد جامعي و ولد بالثنوية و بنت جامعية و ياهل عادة يكون ولد المخرج... أول تسعة و عشرين حلقة الكل مستانس و سعيد...... آخر حلقة الولد الجامعي يحب وحده مصرية شافها عند المصبغة يتزوجها و يسافر مصر.. و الولد ينحاش من الثنوية و يدخن زجاير.. و البنت الجامعية تطلع حامل بقدرة قادر و تنتحر و الأم تطلب الطلاق (مادري ليش) و الأبو طلع متزوج و عنده مرقص بالمغرب و يخسر أموال الشركة بالقمار............. و ولد المخرج يشرب خمر... عادة أسم المسلسل يكون زهور لا تعرف التعب... أو طريق الشوك... أو المتردية و النطيحة
مسلسل اجتماعي فكاهي
ما له أي علاقة بالفكاهة... أقدر أسميه اغتصاب للعقلية البشرية و دمار للمعنى الحقيقي للكوميديا
كاميرا خفية
نجم البرنامج عادة يكون شخصية غير معروفة حتى لا يشك فيه أحد... فأحسن حل انك تروح كبد.. تمر على جاخور جاخور... تشوف لك حيالله راعي غنم شعره كشه و عنده شبه موهبة في الشعر و الغناء و خله يسوي مقالب بالناس... و خذ يا تمثيل و مصخرة... طبعاً اتحفنا بثمانية و تسعين جزء من الفشل و الانحطاط
القرقيعان
راحت علينا طبعاً ... أيام القرقيعان و الحلاو و التشوكولاطة اللذيذة... الحين القرقيعان الوحيد الي تقدر تطوله اهو قرقيعان بيتكم... غير جذي راح تخرع الأوادم اذا تقرقع عند بيوتهم
انت توصل مرحلة عبالك ليلحين تقدر تقرقع... بس راح تدري انك كبرت عالقرقيعان إذا
-الي يوزع القرقيعان يخزك طول ماهو يوزع وانت قاعد تقرقع
-انت أطول واحد بين المقرقعين
-نسبة الكاكاو الي يعطونك اياها قليلة جداً بالنسبة إلى المقرقعين حواليك
-أمك ما قامت تشتري لك كياس القرقيعان
-راسك يعورك إذا لبست القحفية مدة
ريحة الحلج
طبعاً على طول تيي على بالك هالشغلة.. و انا اقولكم اهي تشكل قلق و حرج على كل آدمي صائم... إليكم الحل
بارك الشهر بعد الفطور
أثناء الدوام.. تحاشى الزملاء و قولهم انك مريض و ماتبي تعاديهم عشان لا يقربون صوبك
إذا شفت واحد قاعد يتمقط بالدوام وخر عنه ... فرصة كبيرة انه راح يتثاوب أو ينسم هوى من مكان ثاني... بكلتى الحالتين ما تبي تصير صوبه
شغل التكييف بالسيارة عالآخر في حالة تواجد عدة أشخاص صيام داخل... اذا التكييف مو شغال نزل الجام... اذا ما تبي تنزل الجام عيل الله يخسك
لا تتسحر لي بصل و ثوم و خرابيط... شدعوة يبه ماراح تموت كله صيام ترى... علبو بتصوم تاكل قنابل غذائية تالي الليل و تلعن سنسفيل الي وياك بالدوام باجر... مو عيشة هذي ترى!!! الله يلوع جبدك حتى الله يلوع جبدك
اذا تبي تتثاوب... وخر ويهك بعيد عن الأوادم... بعدين مو لازم تتثاوب جنك تبي تتحول ذيب "ننننيييااااااااااااههههههه" ... تثاوب مثل خلق الله لو سمحت
--------------------------
مبارك عليكم الشهر يا جماعة الربع و كل عام و انتو بخير :)

حسونيات

إذا مزاجك تسوق على شارع الخليج
معناته نايم عدل و متريق جباتي و شاي أخضر. فرصة كبيرة انك توقف عالواجهة و تفكر بمستقبلك و تخطط ليه جدام
...أما إذا كان خط الفحيحيل هو اختيارك
احتمال كبير جداً مقعدينك من النوم توصل أو تييب أحد من مكان بعيد تالي الليل. تطلع من البيت لابس قميص نوم و شورت و نعال زنوبة... فرصة كبيرة تمشي عكس السير أو توقف بنص الدرب تبي تتهاوش مع أحد
إذا تطالع قناة ديسكفري
انت خوش واحد و تحب العلم-
أو انت منحرف... ماني قايل ليش... الي يعرف يقول حق الي ما يعرف-
أو انت اجتماعياً مو مستقر-
إذا تطالع الأم بي سي
تحب مسلسل فريسر .... على راسي
إذا تطالع تلفزيون الكويت
ما عندكم ستلايت
إذا قاعد تدرس بره الكويت
فرصة كبيرة تبي تتعلم لغة و تتفلسف على ربعك
إذا تدرس بجامعة الكويت
معدلك بالثنوية ما يسمح لك تسافر-
أو أمك مو راضية عليك-
إذا هوايتك المفضلة الغولف
انت طبيب أسنان-
أو انك تبي تتفلسف منت عارف شلون-
ماكو ملاعب غولف بالكويت أصلاً-

words of the week 3

sorry I haven't been able to post something "7asoonish" in the last coupla decades.. but I promise you guys inshalla that I'll put somthing up... sometime in this life time
It's just that I'm going through ALOT in school... you know... learning and such... so bare with me.

"Always aim at complete harmony of thought and word and deed. Always aim at purifying your thoughts and everything will be well."

Mahatma Gandhi